עמוד הבית
|
איך בוחרים פסוק?
|
אודות
|
מדיה
|
פסוק מתנה
|
ציורי התנ"ך
בראשית
שמות
ויקרא
במדבר
דברים
יהושוע
שופטים
שמואל א
שמואל ב
מלכים א
מלכים ב
ישעיהו
ירמיהו
יחזקאל
הושע
יואל
עמוס
עובדיה
יונה
מיכה
נחום
חבקוק
צפניה
חגיי
זכריה
מלאכי
דברי הימים א
דברי הימים ב
תהילים
איוב
משלי
רות
שיר השירים
קוהלת
איכה
אסתר
דניאל
עזרא
נחמיה
מיכה
פרק א
א
דבר-יהוה אשר היה, אל-מיכה המורשתי, בימי יותם אחז יחזקייה, מלכי יהודה--אשר-חזה על-שומרון, וירושלים.
ב
שמעו עמים כולם, הקשיבי ארץ ומלואה; ויהי אדוניי יהוה בכם לעד, אדוניי מהיכל קודשו.
ג
כי-הנה יהוה, יוצא ממקומו; וירד ודרך, על-במותי ארץ.
ד
ונמסו ההרים תחתיו, והעמקים יתבקעו, כדונג מפני האש, כמים מוגרים במורד.
ה
בפשע יעקוב כל-זאת, ובחטאות בית ישראל; מי-פשע יעקוב, הלוא שומרון, ומי במות יהודה, הלוא ירושלים.
ו
ושמתי שומרון לעי השדה, למטעי כרם; והגרתי לגיא אבניה, ויסודיה אגלה.
ז
וכל-פסיליה יוכתו, וכל-אתנניה יישרפו באש, וכל-עצביה, אשים שממה: כי מאתנן זונה, קיבצה, ועד-אתנן זונה, ישובו.
הפסוק פנוי ... לחצו לבחירה
ח
על-זאת אספדה ואילילה, אלכה שולל וערום; אעשה מספד כתנים, ואבל כבנות יענה.
הפסוק פנוי ... לחצו לבחירה
ט
כי אנושה, מכותיה: כי-באה, עד-יהודה--נגע עד-שער עמי, עד-ירושלים.
הפסוק פנוי ... לחצו לבחירה
י
בגת, אל-תגידו--בכה, אל-תבכו; בבית לעפרה, עפר התפלשי.
יא
עברי לכם יושבת שפיר, ערייה-בושת; לא יצאה, יושבת צאנן--מספד בית האצל, ייקח מכם עמדתו.
הפסוק פנוי ... לחצו לבחירה
יב
כי-חלה לטוב, יושבת מרות: כי-ירד רע מאת יהוה, לשער ירושלים.
יג
רתום המרכבה לרכש, יושבת לכיש; ראשית חטאת היא לבת-ציון, כי-בך נמצאו פשעי ישראל.
הפסוק פנוי ... לחצו לבחירה
יד
לכן תיתני שילוחים, על מורשת גת; בתי אכזיב לאכזב, למלכי ישראל.
הפסוק פנוי ... לחצו לבחירה
טו
עוד, היורש אביא לך, יושבת, מרשה: עד-עדולם יבוא, כבוד ישראל.
הפסוק פנוי ... לחצו לבחירה
טז
קורחי וגוזי, על-בני תענוגייך; הרחיבי קורחתך כנשר, כי גלו ממך.
פרק ב
א
הוי חושבי-אוון ופועלי רע, על-משכבותם; באור הבוקר יעשוה, כי יש-לאל ידם.
הפסוק פנוי ... לחצו לבחירה
ב
וחמדו שדות וגזלו, ובתים ונשאו; ועשקו גבר וביתו, ואיש ונחלתו.
ג
לכן, כה אמר יהוה, הנני חושב על-המשפחה הזאת, רעה: אשר לא-תמישו משם צווארותיכם, ולא תלכו רומה--כי עת רעה, היא.
ד
ביום ההוא יישא עליכם משל, ונהה נהי נהיה אמר שדוד נשדונו--חלק עמי, ימיר; איך ימיש לי, לשובב שדינו יחלק.
הפסוק פנוי ... לחצו לבחירה
ה
לכן לא-יהיה לך, משליך חבל בגורל, בקהל, יהוה.
הפסוק פנוי ... לחצו לבחירה
ו
אל-תטיפו, יטיפון; לא-יטיפו לאלה, לא ייסג כלימות.
ז
האמור בית-יעקוב, הקצר רוח יהוה--אם-אלה, מעלליו; הלוא דבריי ייטיבו, עם הישר הולך.
הפסוק פנוי ... לחצו לבחירה
ח
ואתמול, עמי לאויב יקומם, ממול שלמה, אדר תפשיטון; מעוברים בטח, שובי מלחמה.
ט
נשי עמי תגרשון, מבית תענוגיה; מעל, עולליה, תקחו הדרי, לעולם.
הפסוק פנוי ... לחצו לבחירה
י
קומו ולכו, כי לא-זאת המנוחה; בעבור טמאה תחבל, וחבל נמרץ.
הפסוק פנוי ... לחצו לבחירה
יא
לו-איש הולך רוח, ושקר כיזב, אטיף לך, ליין ולשיכר; והיה מטיף, העם הזה.
יב
אסוף אאסוף יעקוב כולך, קבץ אקבץ שארית ישראל--יחד אשימנו, כצאן בוצרה: כעדר בתוך הדברו, תהימנה מאדם.
הפסוק פנוי ... לחצו לבחירה
יג
עלה הפורץ, לפניהם--פרצו ויעבורו, שער וייצאו בו; ויעבור מלכם לפניהם, ויהוה בראשם.
פרק ג
הפסוק פנוי ... לחצו לבחירה
א
ואומר, שמעו-נא ראשי יעקוב, וקציני, בית ישראל: הלוא לכם, לדעת את-המשפט.
הפסוק פנוי ... לחצו לבחירה
ב
שונאי טוב, ואוהבי רע; גוזלי עורם מעליהם, ושארם מעל עצמותם.
הפסוק פנוי ... לחצו לבחירה
ג
ואשר אכלו, שאר עמי, ועורם מעליהם הפשיטו, ואת-עצמותיהם פיצחו; ופרשו כאשר בסיר, וכבשר בתוך קלחת.
הפסוק פנוי ... לחצו לבחירה
ד
אז יזעקו אל-יהוה, ולא יענה אותם; ויסתר פניו מהם בעת ההיא, כאשר הרעו מעלליהם.
ה
כה אמר יהוה, על-הנביאים המתעים את-עמי--הנושכים בשיניהם, וקראו שלום, ואשר לא-ייתן על-פיהם, וקידשו עליו מלחמה.
הפסוק פנוי ... לחצו לבחירה
ו
לכן לילה לכם, מחזון, וחשכה לכם, מקסום; ובאה השמש על-הנביאים, וקדר עליהם היום.
הפסוק פנוי ... לחצו לבחירה
ז
ובושו החוזים, וחפרו הקוסמים, ועטו על-שפם, כולם: כי אין מענה, אלוהים.
הפסוק פנוי ... לחצו לבחירה
ח
ואולם, אנוכי מלאתי כוח את-רוח יהוה, ומשפט, וגבורה--להגיד ליעקוב פשעו, ולישראל חטאתו.
הפסוק פנוי ... לחצו לבחירה
ט
שמעו-נא זאת, ראשי בית יעקוב, וקציני, בית ישראל--המתעבים משפט, ואת כל-הישרה יעקשו.
הפסוק פנוי ... לחצו לבחירה
י
בונה ציון, בדמים; וירושלים, בעוולה.
יא
ראשיה בשוחד ישפוטו, וכוהניה במחיר יורו, ונביאיה, בכסף יקסומו; ועל-יהוה, יישענו לאמור, הלוא יהוה בקרבנו, לא-תבוא עלינו רעה.
הפסוק פנוי ... לחצו לבחירה
יב
לכן, בגללכם, ציון, שדה תיחרש; וירושלים עיין תהיה, והר הבית לבמות יער.
פרק ד
א
והיה באחרית הימים, יהיה הר בית-יהוה נכון בראש ההרים, ונישא הוא, מגבעות; ונהרו עליו, עמים.
ב
והלכו גויים רבים, ואמרו לכו ונעלה אל-הר-יהוה ואל-בית אלוהי יעקוב, ויורנו מדרכיו, ונלכה באורחותיו: כי מציון תצא תורה, ודבר-יהוה מירושלים.
ג
ושפט, בין עמים רבים, והוכיח לגויים עצומים, עד-רחוק; וכיתתו חרבותיהם לאיתים, וחניתותיהם למזמרות--לא-ישאו גוי אל-גוי חרב, ולא-ילמדון עוד מלחמה.
ד
וישבו, איש תחת גפנו ותחת תאנתו--ואין מחריד: כי-פי יהוה צבאות, דיבר.
ה
כי, כל-העמים, ילכו, איש בשם אלוהיו; ואנחנו, נלך בשם-יהוה אלוהינו--לעולם ועד.
ו
ביום ההוא נאום-יהוה, אוספה הצולעה, והנידחה, אקבצה; ואשר, הרעותי.
הפסוק פנוי ... לחצו לבחירה
ז
ושמתי את-הצולעה לשארית, והנהלאה לגוי עצום; ומלך יהוה עליהם בהר ציון, מעתה ועד-עולם.
הפסוק פנוי ... לחצו לבחירה
ח
ואתה מגדל-עדר, עופל בת-ציון--עדיך תאתה; ובאה, הממשלה הראשונה, ממלכת, לבת ירושלים.
הפסוק פנוי ... לחצו לבחירה
ט
עתה, למה תריעי ריע; המלך אין-בך, אם-יועצך אבד--כי-החזיקך חיל, כיולדה.
הפסוק פנוי ... לחצו לבחירה
י
חולי וגוחי בת-ציון, כיולדה: כי-עתה תצאי מקריה ושכנת בשדה, ובאת עד-בבל שם תינצלי--שם יגאלך יהוה, מכף אויבייך.
הפסוק פנוי ... לחצו לבחירה
יא
ועתה נאספו עלייך, גויים רבים--האומרים תחנף, ותחז בציון עינינו.
יב
והמה, לא ידעו מחשבות יהוה, ולא הבינו, עצתו: כי קיבצם, כעמיר גורנה.
יג
קומי ודושי בת-ציון, כי-קרנך אשים ברזל ופרסותייך אשים נחושה, והדיקות, עמים רבים; והחרמתי ליהוה בצעם, וחילם לאדון כל-הארץ.
הפסוק פנוי ... לחצו לבחירה
יד
עתה תתגודדי בת-גדוד, מצור שם עלינו; בשבט יכו על-הלחי, את שופט ישראל.
פרק ה
א
ואתה בית-לחם אפרתה, צעיר להיות באלפי יהודה--ממך לי ייצא, להיות מושל בישראל; ומוצאותיו מקדם, מימי עולם.
הפסוק פנוי ... לחצו לבחירה
ב
לכן ייתנם, עד-עת יולדה ילדה; ויתר אחיו, ישובון על-בני ישראל.
הפסוק פנוי ... לחצו לבחירה
ג
ועמד, ורעה בעוז יהוה--בגאון, שם יהוה אלוהיו; וישבו, כי-עתה יגדל עד-אפסי-ארץ.
הפסוק פנוי ... לחצו לבחירה
ד
והיה זה, שלום; אשור כי-יבוא בארצנו, וכי ידרוך בארמנותינו, והקמונו עליו שבעה רועים, ושמונה נסיכי אדם.
ה
ורעו את-ארץ אשור, בחרב, ואת-ארץ נמרוד, בפתחיה; והציל, מאשור--כי-יבוא בארצנו, וכי ידרוך בגבולנו.
ו
והיה שארית יעקוב, בקרב עמים רבים, כטל מאת יהוה, כרביבים עלי-עשב--אשר לא-יקווה לאיש, ולא ייחל לבני אדם.
הפסוק פנוי ... לחצו לבחירה
ז
והיה שארית יעקוב בגויים, בקרב עמים רבים, כאריה בבהמות יער, ככפיר בעדרי-צאן--אשר אם-עבר ורמס וטרף, ואין מציל.
הפסוק פנוי ... לחצו לבחירה
ח
תרום ידך, על-צריך; וכל-אויביך, ייכרתו.
הפסוק פנוי ... לחצו לבחירה
ט
והיה ביום-ההוא נאום-יהוה, והכרתי סוסיך מקרבך; והאבדתי, מרכבותיך.
הפסוק פנוי ... לחצו לבחירה
י
והכרתי, ערי ארצך; והרסתי, כל-מבצריך.
הפסוק פנוי ... לחצו לבחירה
יא
והכרתי כשפים, מידך; ומעוננים, לא יהיו-לך.
הפסוק פנוי ... לחצו לבחירה
יב
והכרתי פסיליך ומצבותיך, מקרבך; ולא-תשתחווה עוד, למעשה ידיך.
הפסוק פנוי ... לחצו לבחירה
יג
ונתשתי אשריך, מקרבך; והשמדתי, עריך.
הפסוק פנוי ... לחצו לבחירה
יד
ועשיתי באף ובחמה, נקם--את-הגויים: אשר, לא שמעו.
פרק ו
א
שמעו-נא, את אשר-יהוה אמר: קום ריב את-ההרים, ותשמענה הגבעות קולך.
הפסוק פנוי ... לחצו לבחירה
ב
שמעו הרים את-ריב יהוה, והאיתנים מוסדי ארץ: כי ריב ליהוה עם-עמו, ועם-ישראל יתווכח.
הפסוק פנוי ... לחצו לבחירה
ג
עמי מה-עשיתי לך, ומה הלאיתיך: ענה בי.
ד
כי העליתיך מארץ מצריים, ומבית עבדים פדיתיך; ואשלח לפניך, את-משה אהרון ומרים.
ה
עמי, זכור-נא מה-יעץ בלק מלך מואב, ומה-ענה אותו, בלעם בן-בעור--מן-השיטים, עד-הגלגל, למען, דעת צדקות יהוה.
הפסוק פנוי ... לחצו לבחירה
ו
במה אקדם יהוה, איכף לאלוהי מרום; האקדמנו בעולות, בעגלים בני שנה.
ז
הירצה יהוה באלפי אילים, ברבבות נחלי-שמן; האתן בכורי פשעי, פרי בטני חטאת נפשי.
ח
הגיד לך אדם, מה-טוב; ומה-יהוה דורש ממך, כי אם-עשות משפט ואהבת חסד, והצנע לכת, עם-אלוהיך.
הפסוק פנוי ... לחצו לבחירה
ט
קול יהוה לעיר יקרא, ותושייה יראה שמך; שמעו מטה, ומי יעדה.
הפסוק פנוי ... לחצו לבחירה
י
עוד, האיש בית רשע--אוצרות, רשע; ואיפת רזון, זעומה.
הפסוק פנוי ... לחצו לבחירה
יא
האזכה, במאזני רשע; ובכיס, אבני מרמה.
הפסוק פנוי ... לחצו לבחירה
יב
אשר עשיריה מלאו חמס, ויושביה דיברו-שקר; ולשונם, רמייה בפיהם.
הפסוק פנוי ... לחצו לבחירה
יג
וגם-אני, החליתי הכותך--השמם, על-חטאותיך.
הפסוק פנוי ... לחצו לבחירה
יד
אתה תאכל ולא תשבע, וישחך בקרבך; ותסג ולא תפליט, ואשר תפלט לחרב אתן.
הפסוק פנוי ... לחצו לבחירה
טו
אתה תזרע, ולא תקצור; אתה תדרוך-זית ולא-תסוך שמן, ותירוש ולא תשתה-יין.
טז
וישתמר חוקות עומרי, וכול מעשה בית-אחאב, ותלכו, במועצותם--למען תיתי אותך לשמה, ויושביה לשריקה, וחרפת עמי, תישאו.
פרק ז
הפסוק פנוי ... לחצו לבחירה
א
אלליי לי, כי הייתי כאוספי-קיץ, כעוללות, בציר: אין-אשכול לאכול, ביכורה איוותה נפשי.
הפסוק פנוי ... לחצו לבחירה
ב
אבד חסיד מן-הארץ, וישר באדם אין: כולם לדמים יארובו, איש את-אחיהו יצודו חרם.
הפסוק פנוי ... לחצו לבחירה
ג
על-הרע כפיים, להיטיב, השר שואל, והשופט בשילום; והגדול, דובר הוות נפשו הוא--ויעבתוה.
הפסוק פנוי ... לחצו לבחירה
ד
טובם כחדק, ישר ממסוכה; יום מצפיך פקודתך באה, עתה תהיה מבוכתם.
הפסוק פנוי ... לחצו לבחירה
ה
אל-תאמינו בריע, אל-תבטחו באלוף; משוכבת חיקך, שמור פתחי-פיך.
הפסוק פנוי ... לחצו לבחירה
ו
כי-בן, מנבל אב, בת קמה באימה, כלה בחמותה: אויבי איש, אנשי ביתו.
ז
ואני ביהוה אצפה, אוחילה לאלוהי ישעי: ישמעני, אלוהיי.
ח
אל-תשמחי אויבתי לי, כי נפלתי קמתי: כי-אשב בחושך, יהוה אור לי.
הפסוק פנוי ... לחצו לבחירה
ט
זעף יהוה אשא, כי חטאתי לו: עד אשר יריב ריבי, ועשה משפטי--יוציאני לאור, אראה בצדקתו.
י
ותרא אויבתי, ותכסהא בושה--האומרה אליי, איו יהוה אלוהייך; עיניי תראינה בה, עתה תהיה למרמס כטיט חוצות.
הפסוק פנוי ... לחצו לבחירה
יא
יום, לבנות גדרייך; יום ההוא, ירחק-חוק.
הפסוק פנוי ... לחצו לבחירה
יב
יום הוא ועדיך יבוא, למני אשור וערי מצור; ולמני מצור ועד-נהר, וים מים והר ההר.
הפסוק פנוי ... לחצו לבחירה
יג
והייתה הארץ לשממה, על-יושביה, מפרי, מעלליהם.
הפסוק פנוי ... לחצו לבחירה
יד
רעה עמך בשבטך, צאן נחלתך--שוכני לבדד, יער בתוך כרמל; ירעו בשן וגלעד, כימי עולם.
הפסוק פנוי ... לחצו לבחירה
טו
כימי צאתך, מארץ מצריים, אראנו, נפלאות.
הפסוק פנוי ... לחצו לבחירה
טז
יראו גויים ויבושו, מכול גבורתם; ישימו יד על-פה, אוזניהם תחרשנה.
יז
ילחכו עפר, כנחש--כזוחלי ארץ, ירגזו ממסגרותיהם; אל-יהוה אלוהינו יפחדו, וייראו ממך.
יח
מי-אל כמוך, נושא עוון ועובר על-פשע, לשארית, נחלתו: לא-החזיק לעד אפו, כי-חפץ חסד הוא.
יט
ישוב ירחמנו, יכבוש עוונותינו; ותשליך במצולות ים, כל-חטאותם.
כ
תיתן אמת ליעקוב, חסד לאברהם, אשר-נשבעת לאבותינו, מימי קדם.