עמוד הבית
|
איך בוחרים פסוק?
|
אודות
|
מדיה
|
פסוק מתנה
|
ציורי התנ"ך
בראשית
שמות
ויקרא
במדבר
דברים
יהושוע
שופטים
שמואל א
שמואל ב
מלכים א
מלכים ב
ישעיהו
ירמיהו
יחזקאל
הושע
יואל
עמוס
עובדיה
יונה
מיכה
נחום
חבקוק
צפניה
חגיי
זכריה
מלאכי
דברי הימים א
דברי הימים ב
תהילים
איוב
משלי
רות
שיר השירים
קוהלת
איכה
אסתר
דניאל
עזרא
נחמיה
זכריה
פרק א
א
בחודש, השמיני, בשנת שתיים, לדריווש--היה דבר-יהוה, אל-זכריה בן-ברכיה, בן-עידוא הנביא, לאמור.
ב
קצף יהוה על-אבותיכם, קצף.
ג
ואמרת אליהם, כה אמר יהוה צבאות, שובו אליי, נאום יהוה צבאות--ואשוב אליכם, אמר יהוה צבאות.
ד
אל-תהיו כאבותיכם אשר קראו-אליהם הנביאים הראשונים לאמור, כה אמר יהוה צבאות, שובו נא מדרכיכם הרעים, ומעלליכם הרעים; ולא שמעו ולא-הקשיבו אליי, נאום-יהוה.
ה
אבותיכם, איה-הם; והנביאים--הלעולם, יחיו.
ו
אך דבריי וחוקיי, אשר ציוויתי את-עבדיי הנביאים, הלוא השיגו, אבותיכם; וישובו ויאמרו, כאשר זמם יהוה צבאות לעשות לנו, כדרכינו וכמעללינו, כן עשה איתנו.
ז
ביום עשרים וארבעה לעשתי-עשר חודש, הוא-חודש שבט, בשנת שתיים, לדריווש--היה דבר-יהוה, אל-זכריה בן-ברכיהו, בן-עידוא הנביא, לאמור.
ח
ראיתי הלילה, והנה-איש רוכב על-סוס אדום, והוא עומד, בין ההדסים אשר במצולה; ואחריו סוסים אדומים, שרוקים ולבנים.
ט
ואומר, מה-אלה אדוני; ויאמר אליי, המלאך הדובר בי, אני אראך, מה-המה אלה.
י
ויען, האיש העומד בין-ההדסים--ויאמר: אלה אשר שלח יהוה, להתהלך בארץ.
יא
ויענו את-מלאך יהוה, העומד בין ההדסים, ויאמרו, התהלכנו בארץ; והנה כל-הארץ, יושבת ושוקטת.
יב
ויען מלאך-יהוה, ויאמר, יהוה צבאות, עד-מתיי אתה לא-תרחם את-ירושלים ואת ערי יהודה--אשר זעמת, זה שבעים שנה.
יג
ויען יהוה, את-המלאך הדובר בי--דברים טובים: דברים, ניחומים.
יד
ויאמר אליי, המלאך הדובר בי, קרא לאמור, כה אמר יהוה צבאות: קינאתי לירושלים ולציון, קנאה גדולה.
טו
וקצף גדול אני קוצף, על-הגויים השאננים, אשר אני קצפתי מעט, והמה עזרו לרעה.
טז
לכן כה-אמר יהוה, שבתי לירושלים ברחמים--ביתי ייבנה בה, נאום יהוה צבאות; וקו יינטה, על-ירושלים.
יז
עוד קרא לאמור, כה אמר יהוה צבאות, עוד תפוצנה עריי, מטוב; וניחם יהוה עוד את-ציון, ובחר עוד בירושלים.
פרק ב
א
ואשא את-עיניי, וארא; והנה, ארבע קרנות.
ב
ואומר, אל-המלאך הדובר בי--מה-אלה; ויאמר אליי--אלה הקרנות אשר זירו את-יהודה, את-ישראל וירושלים.
ג
ויראני יהוה, ארבעה חרשים.
ד
ואומר, מה אלה באים לעשות; ויאמר לאמור, אלה הקרנות אשר-זירו את-יהודה כפי-איש לא-נשא ראשו, ויבואו אלה להחריד אותם, ליידות את-קרנות הגויים הנושאים קרן אל-ארץ יהודה לזרותה.
ה
ואשא עיניי וארא, והנה-איש; ובידו, חבל מידה.
ו
ואומר, אנה אתה הולך; ויאמר אליי, למוד את-ירושלים, לראות כמה-רוחבה, וכמה אורכה.
הפסוק פנוי ... לחצו לבחירה
ז
והנה, המלאך הדובר בי--יוצא; ומלאך אחר, יוצא לקראתו.
הפסוק פנוי ... לחצו לבחירה
ח
ויאמר אליו--רוץ דבר אל-הנער הלז, לאמור: פרזות תשב ירושלים, מרוב אדם ובהמה בתוכה.
הפסוק פנוי ... לחצו לבחירה
ט
ואני אהיה-לה נאום-יהוה, חומת אש סביב; ולכבוד, אהיה בתוכה.
הפסוק פנוי ... לחצו לבחירה
י
הוי הוי, ונוסו מארץ צפון--נאום-יהוה: כי כארבע רוחות השמיים, פירשתי אתכם--נאום-יהוה.
הפסוק פנוי ... לחצו לבחירה
יא
הוי ציון, הימלטי--יושבת, בת-בבל.
הפסוק פנוי ... לחצו לבחירה
יב
כי כה אמר, יהוה צבאות, אחר כבוד, שלחני אל-הגויים השוללים אתכם: כי הנוגע בכם, נוגע בבבת עינו.
הפסוק פנוי ... לחצו לבחירה
יג
כי הנני מניף את-ידי, עליהם, והיו שלל, לעבדיהם; וידעתם, כי-יהוה צבאות שלחני.
יד
רוני ושמחי, בת-ציון--כי הנני-בא ושכנתי בתוכך, נאום-יהוה.
הפסוק פנוי ... לחצו לבחירה
טו
ונלוו גויים רבים אל-יהוה ביום ההוא, והיו לי לעם; ושכנתי בתוכך--וידעת, כי-יהוה צבאות שלחני אלייך.
טז
ונחל יהוה את-יהודה חלקו, על אדמת הקודש; ובחר עוד, בירושלים.
הפסוק פנוי ... לחצו לבחירה
יז
הס כל-בשר, מפני יהוה--כי ניעור, ממעון קודשו.
פרק ג
הפסוק פנוי ... לחצו לבחירה
א
ויראני, את-יהושוע הכוהן הגדול, עומד, לפני מלאך יהוה; והשטן עומד על-ימינו, לשטנו.
ב
ויאמר יהוה אל-השטן, יגער יהוה בך השטן, ויגער יהוה בך, הבוחר בירושלים; הלוא זה אוד, מוצל מאש.
הפסוק פנוי ... לחצו לבחירה
ג
ויהושוע, היה לבוש בגדים צואים; ועומד, לפני המלאך.
ד
ויען ויאמר, אל-העומדים לפניו לאמור, הסירו הבגדים הצואים, מעליו; ויאמר אליו, ראה העברתי מעליך עוונך, והלבש אותך, מחלצות.
הפסוק פנוי ... לחצו לבחירה
ה
ואומר, ישימו צניף טהור על-ראשו; וישימו הצניף הטהור על-ראשו, וילבישוהו בגדים, ומלאך יהוה, עומד.
הפסוק פנוי ... לחצו לבחירה
ו
ויעד מלאך יהוה, ביהושוע לאמור.
ז
כה-אמר יהוה צבאות, אם-בדרכיי תלך ואם את-משמרתי תשמור, וגם-אתה תדין את-ביתי, וגם תשמור את-חצריי--ונתתי לך מהלכים, בין העומדים האלה.
הפסוק פנוי ... לחצו לבחירה
ח
שמע-נא יהושוע הכוהן הגדול, אתה וריעיך היושבים לפניך--כי-אנשי מופת, המה: כי-הנני מביא את-עבדי, צמח.
ט
כי הנה האבן, אשר נתתי לפני יהושוע--על-אבן אחת, שבעה עיניים; הנני מפתח פיתוחה, נאום יהוה צבאות, ומשתי את-עוון הארץ-ההיא, ביום אחד.
י
ביום ההוא, נאום יהוה צבאות, תקראו, איש לריעהו--אל-תחת גפן, ואל-תחת תאנה.
פרק ד
הפסוק פנוי ... לחצו לבחירה
א
וישב, המלאך הדובר בי; ויעירני, כאיש אשר-ייעור משנתו.
ב
ויאמר אליי, מה אתה רואה; ואומר ראיתי והנה מנורת זהב כולה וגולה על-ראשה, ושבעה נרותיה עליה--שבעה ושבעה מוצקות, לנרות אשר על-ראשה.
הפסוק פנוי ... לחצו לבחירה
ג
ושניים זיתים, עליה: אחד מימין הגולה, ואחד על-שמאלה.
הפסוק פנוי ... לחצו לבחירה
ד
ואען, ואומר, אל-המלאך הדובר בי, לאמור: מה-אלה, אדוני.
הפסוק פנוי ... לחצו לבחירה
ה
ויען המלאך הדובר בי, ויאמר אליי, הלוא ידעת, מה-המה אלה; ואומר, לא אדוני.
ו
ויען ויאמר אליי, לאמור, זה דבר-יהוה, אל-זרובבל לאמור: לא בחיל, ולא בכוח--כי אם-ברוחי, אמר יהוה צבאות.
ז
מי-אתה הר-הגדול לפני זרובבל, למישור; והוציא, את-האבן הראשה--תשואות, חן חן לה.
הפסוק פנוי ... לחצו לבחירה
ח
ויהי דבר-יהוה, אליי לאמור.
הפסוק פנוי ... לחצו לבחירה
ט
ידי זרובבל, ייסדו הבית הזה--וידיו תבצענה; וידעת, כי-יהוה צבאות שלחני אליכם.
הפסוק פנוי ... לחצו לבחירה
י
כי מי בז, ליום קטנות, ושמחו וראו את-האבן הבדיל ביד זרובבל, שבעה-אלה; עיני יהוה, המה משוטטים בכל-הארץ.
הפסוק פנוי ... לחצו לבחירה
יא
ואען, ואומר אליו: מה-שני הזיתים האלה, על-ימין המנורה ועל-שמאלה.
יב
ואען שנית, ואומר אליו: מה-שתי שיבלי הזיתים, אשר ביד שני צנתרות הזהב, המריקים מעליהם, הזהב.
הפסוק פנוי ... לחצו לבחירה
יג
ויאמר אליי לאמור, הלוא ידעת מה-אלה; ואומר, לא אדוני.
הפסוק פנוי ... לחצו לבחירה
יד
ויאמר, אלה שני בני-היצהר, העומדים, על-אדון כל-הארץ.
פרק ה
הפסוק פנוי ... לחצו לבחירה
א
ואשוב, ואשא עיניי ואראה; והנה, מגילה עפה.
הפסוק פנוי ... לחצו לבחירה
ב
ויאמר אליי, מה אתה רואה; ואומר, אני רואה מגילה עפה--אורכה עשרים באמה, ורוחבה עשר באמה.
הפסוק פנוי ... לחצו לבחירה
ג
ויאמר אליי--זאת האלה, היוצאת על-פני כל-הארץ: כי כל-הגונב, מזה כמוה ניקה, וכל-הנשבע, מזה כמוה ניקה.
הפסוק פנוי ... לחצו לבחירה
ד
הוצאתיה, נאום יהוה צבאות, ובאה אל-בית הגנב, ואל-בית הנשבע בשמי לשקר; ולנה בתוך ביתו, וכילתו ואת-עציו ואת-אבניו.
הפסוק פנוי ... לחצו לבחירה
ה
וייצא, המלאך הדובר בי; ויאמר אליי--שא נא עיניך וראה, מה היוצאת הזאת.
הפסוק פנוי ... לחצו לבחירה
ו
ואומר, מה-היא; ויאמר, זאת האיפה היוצאת, ויאמר, זאת עינם בכל-הארץ.
הפסוק פנוי ... לחצו לבחירה
ז
והנה כיכר עופרת, נישאת; וזאת אישה אחת, יושבת בתוך האיפה.
הפסוק פנוי ... לחצו לבחירה
ח
ויאמר זאת הרשעה, וישלך אותה אל-תוך האיפה; וישלך את-אבן העופרת, אל-פיה.
ט
ואשא עיניי וארא, והנה שתיים נשים יוצאות ורוח בכנפיהם, ולהנה כנפיים, ככנפי החסידה; ותישאנה, את-האיפה, בין הארץ, ובין השמיים.
הפסוק פנוי ... לחצו לבחירה
י
ואומר, אל-המלאך הדובר בי: אנה המה מוליכות, את-האיפה.
הפסוק פנוי ... לחצו לבחירה
יא
ויאמר אליי, לבנות-לה בית בארץ שנער; והוכן והוניחה שם, על-מכונתה.
פרק ו
הפסוק פנוי ... לחצו לבחירה
א
ואשוב, ואשא עיניי ואראה, והנה ארבע מרכבות יוצאות, מבין שני ההרים; וההרים, הרי נחושת.
הפסוק פנוי ... לחצו לבחירה
ב
במרכבה הראשונה, סוסים אדומים; ובמרכבה השנית, סוסים שחורים.
הפסוק פנוי ... לחצו לבחירה
ג
ובמרכבה השלישית, סוסים לבנים; ובמרכבה, הרביעית, סוסים ברודים, אמוצים.
הפסוק פנוי ... לחצו לבחירה
ד
ואען, ואומר, אל-המלאך, הדובר בי: מה-אלה, אדוני.
הפסוק פנוי ... לחצו לבחירה
ה
ויען המלאך, ויאמר אליי: אלה, ארבע רוחות השמיים, יוצאות, מהתייצב על-אדון כל-הארץ.
הפסוק פנוי ... לחצו לבחירה
ו
אשר-בה הסוסים השחורים, יוצאים אל-ארץ צפון, והלבנים, יצאו אל-אחריהם; והברודים--יצאו, אל-ארץ התימן.
הפסוק פנוי ... לחצו לבחירה
ז
והאמוצים יצאו, ויבקשו ללכת להתהלך בארץ, ויאמר, לכו התהלכו בארץ; ותתהלכנה, בארץ.
הפסוק פנוי ... לחצו לבחירה
ח
ויזעק אותי, וידבר אליי לאמור: ראה, היוצאים אל-ארץ צפון--הניחו את-רוחי, בארץ צפון.
הפסוק פנוי ... לחצו לבחירה
ט
ויהי דבר-יהוה, אליי לאמור.
הפסוק פנוי ... לחצו לבחירה
י
לקוח, מאת הגולה, מחלדיי, ומאת טובייה ומאת ידעיה; ובאת אתה, ביום ההוא, ובאת בית יאשייה בן-צפניה, אשר-באו מבבל.
הפסוק פנוי ... לחצו לבחירה
יא
ולקחת כסף-וזהב, ועשית עטרות; ושמת, בראש יהושוע בן-יהוצדק--הכוהן הגדול.
הפסוק פנוי ... לחצו לבחירה
יב
ואמרת אליו לאמור, כה אמר יהוה צבאות לאמור: הנה-איש צמח שמו, ומתחתיו יצמח, ובנה, את-היכל יהוה.
יג
והוא יבנה את-היכל יהוה, והוא-יישא הוד, וישב ומשל, על-כיסאו; והיה כוהן, על-כיסאו, ועצת שלום, תהיה בין שניהם.
הפסוק פנוי ... לחצו לבחירה
יד
והעטרות, תהיה לחלם ולטובייה ולידעיה, ולחן, בן-צפניה--לזיכרון, בהיכל יהוה.
הפסוק פנוי ... לחצו לבחירה
טו
ורחוקים יבואו, ובנו בהיכל יהוה, וידעתם, כי-יהוה צבאות שלחני אליכם; והיה אם-שמוע תשמעון, בקול יהוה אלוהיכם.
פרק ז
הפסוק פנוי ... לחצו לבחירה
א
ויהי בשנת ארבע, לדריווש המלך; היה דבר-יהוה אל-זכריה, בארבעה לחודש התשיעי--בכסליו.
הפסוק פנוי ... לחצו לבחירה
ב
וישלח, בית-אל, שראצר, ורגם מלך ואנשיו--לחלות, את-פני יהוה.
הפסוק פנוי ... לחצו לבחירה
ג
לאמור, אל-הכוהנים אשר לבית-יהוה צבאות, ואל-הנביאים, לאמור: האבכה, בחודש החמישי--הינזר, כאשר עשיתי זה כמה שנים.
הפסוק פנוי ... לחצו לבחירה
ד
ויהי דבר-יהוה צבאות, אליי לאמור.
הפסוק פנוי ... לחצו לבחירה
ה
אמור אל-כל-עם הארץ, ואל-הכוהנים לאמור: כי-צמתם וספוד בחמישי ובשביעי, וזה שבעים שנה--הצום צמתוני, אני.
הפסוק פנוי ... לחצו לבחירה
ו
וכי תאכלו, וכי תשתו--הלוא אתם האוכלים, ואתם השותים.
ז
הלוא את-הדברים, אשר קרא יהוה ביד הנביאים הראשונים, בהיות ירושלים יושבת ושלווה, ועריה סביבותיה; והנגב והשפילה, יושב.
הפסוק פנוי ... לחצו לבחירה
ח
ויהי, דבר-יהוה, אל-זכריה, לאמור.
הפסוק פנוי ... לחצו לבחירה
ט
כה אמר יהוה צבאות, לאמור: משפט אמת, שפוטו, וחסד ורחמים, עשו איש את-אחיו.
הפסוק פנוי ... לחצו לבחירה
י
ואלמנה ויתום גר ועני, אל-תעשוקו; ורעת איש אחיו, אל-תחשבו בלבבכם.
הפסוק פנוי ... לחצו לבחירה
יא
וימאנו להקשיב, וייתנו כתף סוררת; ואוזניהם, הכבידו משמוע.
הפסוק פנוי ... לחצו לבחירה
יב
וליבם שמו שמיר, משמוע את-התורה ואת-הדברים אשר שלח יהוה צבאות ברוחו, ביד, הנביאים הראשונים; ויהי קצף גדול, מאת יהוה צבאות.
הפסוק פנוי ... לחצו לבחירה
יג
ויהי כאשר-קרא, ולא שמעו: כן יקראו ולא אשמע, אמר יהוה צבאות.
הפסוק פנוי ... לחצו לבחירה
יד
ואסערם, על כל-הגויים אשר לא-ידעום, והארץ נשמה אחריהם, מעובר ומשב; וישימו ארץ-חמדה, לשמה.
פרק ח
הפסוק פנוי ... לחצו לבחירה
א
ויהי דבר-יהוה צבאות, לאמור.
הפסוק פנוי ... לחצו לבחירה
ב
כה אמר יהוה צבאות, קינאתי לציון קנאה גדולה; וחמה גדולה, קינאתי לה.
ג
כה, אמר יהוה, שבתי אל-ציון, ושכנתי בתוך ירושלים; ונקראה ירושלים עיר האמת, והר-יהוה צבאות הר הקודש.
ד
כה אמר, יהוה צבאות, עוד יישבו זקנים וזקנות, ברחובות ירושלים; ואיש משענתו בידו, מרוב ימים.
ה
ורחובות העיר יימלאו, ילדים וילדות, משחקים, ברחובותיה.
ו
כה אמר, יהוה צבאות, כי ייפלא בעיני שארית העם הזה, בימים ההם--גם-בעיניי, ייפלא, נאום, יהוה צבאות.
הפסוק פנוי ... לחצו לבחירה
ז
כה אמר יהוה צבאות, הנני מושיע את-עמי מארץ מזרח, ומארץ, מבוא השמש.
הפסוק פנוי ... לחצו לבחירה
ח
והבאתי אותם, ושכנו בתוך ירושלים; והיו-לי לעם, ואני אהיה להם לאלוהים--באמת, ובצדקה.
ט
כה-אמר, יהוה צבאות, תחזקנה ידיכם, השומעים בימים האלה את הדברים האלה--מפי, הנביאים, אשר ביום יוסד בית-יהוה צבאות ההיכל, להיבנות.
הפסוק פנוי ... לחצו לבחירה
י
כי, לפני הימים ההם, שכר האדם לא נהיה, ושכר הבהמה איננה; וליוצא ולבא אין-שלום מן-הצר, ואשלח את-כל-האדם איש בריעהו.
הפסוק פנוי ... לחצו לבחירה
יא
ועתה, לא כימים הראשונים אני, לשארית, העם הזה--נאום, יהוה צבאות.
יב
כי-זרע השלום, הגפן תיתן פרייה והארץ תיתן את-יבולה, והשמיים, ייתנו טלם; והנחלתי, את-שארית העם הזה--את-כל-אלה.
יג
והיה כאשר הייתם קללה בגויים, בית יהודה ובית ישראל--כן אושיע אתכם, והייתם ברכה: אל-תיראו, תחזקנה ידיכם.
הפסוק פנוי ... לחצו לבחירה
יד
כי כה אמר, יהוה צבאות, כאשר זממתי להרע לכם בהקציף אבותיכם אותי, אמר יהוה צבאות; ולא, ניחמתי.
הפסוק פנוי ... לחצו לבחירה
טו
כן שבתי זממתי בימים האלה, להיטיב את-ירושלים ואת-בית יהודה: אל-תיראו.
טז
אלה הדברים, אשר תעשו: דברו אמת, איש את-ריעהו--אמת ומשפט שלום, שפטו בשעריכם.
הפסוק פנוי ... לחצו לבחירה
יז
ואיש את-רעת ריעהו, אל-תחשבו בלבבכם, ושבועת שקר, אל-תאהבו: כי את-כל-אלה אשר שנאתי, נאום-יהוה.
הפסוק פנוי ... לחצו לבחירה
יח
ויהי דבר-יהוה צבאות, אליי לאמור.
יט
כה-אמר יהוה צבאות, צום הרביעי וצום החמישי וצום השביעי וצום העשירי יהיה לבית-יהודה לששון ולשמחה, ולמועדים, טובים; והאמת והשלום, אהבו.
הפסוק פנוי ... לחצו לבחירה
כ
כה אמר, יהוה צבאות: עוד אשר יבואו עמים, ויושבי ערים רבות.
הפסוק פנוי ... לחצו לבחירה
כא
והלכו יושבי אחת אל-אחת לאמור, נלכה הלוך לחלות את-פני יהוה, ולבקש, את-יהוה צבאות; אלכה, גם-אני.
הפסוק פנוי ... לחצו לבחירה
כב
ובאו עמים רבים וגויים עצומים, לבקש את-יהוה צבאות בירושלים, ולחלות, את-פני יהוה.
כג
כה-אמר, יהוה צבאות, בימים ההמה, אשר יחזיקו עשרה אנשים מכול לשונות הגויים; והחזיקו בכנף איש יהודי לאמור, נלכה עימכם--כי שמענו, אלוהים עימכם.
פרק ט
הפסוק פנוי ... לחצו לבחירה
א
משא דבר-יהוה בארץ חדרך, ודמשק מנוחתו: כי ליהוה עין אדם, וכול שבטי ישראל.
הפסוק פנוי ... לחצו לבחירה
ב
וגם-חמת, תגבול-בה; צור וצידון, כי חכמה מאוד.
הפסוק פנוי ... לחצו לבחירה
ג
ותיבן צור מצור, לה; ותצבור-כסף, כעפר, וחרוץ, כטיט חוצות.
הפסוק פנוי ... לחצו לבחירה
ד
הנה אדוניי יורישנה, והכה בים חילה; והיא, באש תיאכל.
הפסוק פנוי ... לחצו לבחירה
ה
תרא אשקלון ותירא, ועזה ותחיל מאוד, ועקרון, כי-הוביש מבטה; ואבד מלך מעזה, ואשקלון לא תשב.
הפסוק פנוי ... לחצו לבחירה
ו
וישב ממזר, באשדוד; והכרתי, גאון פלשתים.
הפסוק פנוי ... לחצו לבחירה
ז
והסירותי דמיו מפיו, ושיקוציו מבין שיניו, ונשאר גם-הוא, לאלוהינו; והיה כאלוף ביהודה, ועקרון כיבוסי.
הפסוק פנוי ... לחצו לבחירה
ח
וחניתי לביתי מצבה מעובר ומשב, ולא-יעבור עליהם עוד נוגש: כי עתה, ראיתי בעיניי.
ט
גילי מאוד בת-ציון, הריעי בת ירושלים, הנה מלכך יבוא לך, צדיק ונושע הוא; עני ורוכב על-חמור, ועל-עיר בן-אתונות.
הפסוק פנוי ... לחצו לבחירה
י
והכרתי-רכב מאפריים, וסוס מירושלים, ונכרתה קשת מלחמה, ודיבר שלום לגויים; ומושלו מים עד-ים, ומנהר עד-אפסי-ארץ.
הפסוק פנוי ... לחצו לבחירה
יא
גם-את בדם-בריתך, שילחתי אסירייך מבור, אין מים, בו.
יב
שובו, לביצרון, אסירי, התקווה; גם-היום, מגיד משנה אשיב לך.
יג
כי-דרכתי לי יהודה, קשת מילאתי אפריים, ועוררתי בנייך ציון, על-בנייך יוון; ושמתיך, כחרב גיבור.
יד
ויהוה עליהם ייראה, ויצא כברק חיצו; ואדוניי יהוה בשופר יתקע, והלך בסערות תימן.
הפסוק פנוי ... לחצו לבחירה
טו
יהוה צבאות, יגן עליהם, ואכלו וכבשו אבני-קלע, ושתו המו כמו-יין; ומלאו, כמזרק--כזווייות, מזבח.
הפסוק פנוי ... לחצו לבחירה
טז
והושיעם יהוה אלוהיהם, ביום ההוא--כצאן עמו: כי, אבני-נזר, מתנוססות, על-אדמתו.
הפסוק פנוי ... לחצו לבחירה
יז
כי מה-טובו, ומה-יופייו--דגן, בחורים, ותירוש, ינובב בתולות.
פרק י
א
שאלו מיהוה מטר בעת מלקוש, יהוה עושה חזיזים; ומטר-גשם ייתן להם, לאיש עשב בשדה.
הפסוק פנוי ... לחצו לבחירה
ב
כי התרפים דיברו-אוון, והקוסמים חזו שקר, וחלומות השוא ידברו, הבל ינחמון; על-כן נסעו כמו-צאן, יענו כי-אין רועה.
הפסוק פנוי ... לחצו לבחירה
ג
על-הרועים חרה אפי, ועל-העתודים אפקוד: כי-פקד יהוה צבאות את-עדרו, את-בית יהודה, ושם אותם, כסוס הודו במלחמה.
הפסוק פנוי ... לחצו לבחירה
ד
ממנו פינה ממנו יתד, ממנו קשת מלחמה; ממנו ייצא כל-נוגש, יחדיו.
הפסוק פנוי ... לחצו לבחירה
ה
והיו כגיבורים בוסים בטיט חוצות, במלחמה, ונלחמו, כי יהוה עימם; והובישו, רוכבי סוסים.
הפסוק פנוי ... לחצו לבחירה
ו
וגיברתי את-בית יהודה, ואת-בית יוסף אושיע, והושבותים כי ריחמתים, והיו כאשר לא-זנחתים: כי, אני יהוה אלוהיהם--ואענם.
הפסוק פנוי ... לחצו לבחירה
ז
והיו כגיבור אפריים, ושמח ליבם כמו-יין; ובניהם יראו ושמחו, יגל ליבם ביהוה.
הפסוק פנוי ... לחצו לבחירה
ח
אשרקה להם ואקבצם, כי פדיתים; ורבו, כמו רבו.
ט
ואזרעם, בעמים, ובמרחקים, יזכרוני; וחיו את-בניהם, ושבו.
הפסוק פנוי ... לחצו לבחירה
י
והשיבותים מארץ מצריים, ומאשור אקבצם; ואל-ארץ גלעד ולבנון אביאם, ולא יימצא להם.
הפסוק פנוי ... לחצו לבחירה
יא
ועבר בים צרה, והכה בים גלים, והובישו, כול מצולות יאור; והורד גאון אשור, ושבט מצריים יסור.
הפסוק פנוי ... לחצו לבחירה
יב
וגיברתים, ביהוה, ובשמו, יתהלכו: נאום, יהוה.
פרק יא
הפסוק פנוי ... לחצו לבחירה
א
פתח לבנון, דלתיך; ותאכל אש, בארזיך.
הפסוק פנוי ... לחצו לבחירה
ב
היליל ברוש כי-נפל ארז, אשר אדירים שודדו; הילילו אלוני בשן, כי ירד יער הבציר.
הפסוק פנוי ... לחצו לבחירה
ג
קול יללת הרועים, כי שודדה אדרתם; קול שאגת כפירים, כי שודד גאון הירדן.
הפסוק פנוי ... לחצו לבחירה
ד
כה אמר, יהוה אלוהיי: רעה, את-צאן ההריגה.
הפסוק פנוי ... לחצו לבחירה
ה
אשר קוניהן יהרגון, ולא יאשמו, ומוכריהן יאמר, ברוך יהוה ואעשיר; ורועיהם, לא יחמול עליהן.
הפסוק פנוי ... לחצו לבחירה
ו
כי לא אחמול עוד, על-יושבי הארץ--נאום-יהוה; והנה אנוכי ממציא את-האדם, איש ביד-ריעהו וביד מלכו, וכיתתו את-הארץ, ולא אציל מידם.
הפסוק פנוי ... לחצו לבחירה
ז
וארעה את-צאן ההריגה, לכן עניי הצאן; ואקח-לי שני מקלות, לאחד קראתי נועם ולאחד קראתי חובלים, וארעה, את-הצאן.
הפסוק פנוי ... לחצו לבחירה
ח
ואכחיד את-שלושת הרועים, בירח אחד; ותקצר נפשי בהם, וגם-נפשם בחלה בי.
הפסוק פנוי ... לחצו לבחירה
ט
ואומר, לא ארעה אתכם; המתה תמות, והנכחדת תיכחד, והנשארות, תאכלנה אישה את-בשר רעותה.
הפסוק פנוי ... לחצו לבחירה
י
ואקח את-מקלי את-נועם, ואגדע אותו--להפר, את-בריתי, אשר כרתי, את-כל-העמים.
הפסוק פנוי ... לחצו לבחירה
יא
ותופר, ביום ההוא; ויידעו כן עניי הצאן, השומרים אותי, כי דבר-יהוה, הוא.
הפסוק פנוי ... לחצו לבחירה
יב
ואומר אליהם, אם-טוב בעיניכם הבו שכרי--ואם-לא חדלו; וישקלו את-שכרי, שלושים כסף.
הפסוק פנוי ... לחצו לבחירה
יג
ויאמר יהוה אליי, השליכהו אל-היוצר, אדר היקר, אשר יקרתי מעליהם; ואקחה שלושים הכסף, ואשליך אותו בית יהוה אל-היוצר.
הפסוק פנוי ... לחצו לבחירה
יד
ואגדע את-מקלי השני, את החובלים--להפר, את-האחווה, בין יהודה, ובין ישראל.
הפסוק פנוי ... לחצו לבחירה
טו
ויאמר יהוה, אליי: עוד קח-לך, כלי רועה אווילי.
הפסוק פנוי ... לחצו לבחירה
טז
כי הנה-אנוכי מקים רועה בארץ, הנכחדות לא-יפקוד הנער לא-יבקש, והנשברת, לא ירפא; הניצבה, לא יכלכל, ובשר הבריאה יאכל, ופרסיהן יפרק.
הפסוק פנוי ... לחצו לבחירה
יז
הוי רועי האליל עוזבי הצאן, חרב על-זרועו ועל-עין ימינו; זרועו יבוש תיבש, ועין ימינו כהה תכהה.
פרק יב
הפסוק פנוי ... לחצו לבחירה
א
משא דבר-יהוה, על-ישראל: נאום-יהוה, נוטה שמיים ויוסד ארץ, ויוצר רוח-אדם, בקרבו.
הפסוק פנוי ... לחצו לבחירה
ב
הנה אנוכי שם את-ירושלים סף-רעל, לכל-העמים--סביב; וגם על-יהודה יהיה במצור, על-ירושלים.
הפסוק פנוי ... לחצו לבחירה
ג
והיה ביום-ההוא אשים את-ירושלים אבן מעמסה, לכל-העמים--כל-עומסיה, שרוט יישרטו; ונאספו עליה, כול גויי הארץ.
הפסוק פנוי ... לחצו לבחירה
ד
ביום ההוא נאום-יהוה, אכה כל-סוס בתימהון, ורוכבו, בשיגעון; ועל-בית יהודה, אפקח את-עיניי, וכול סוס העמים, אכה בעיוורון.
הפסוק פנוי ... לחצו לבחירה
ה
ואמרו אלופי יהודה, בליבם: אמצה לי יושבי ירושלים, ביהוה צבאות אלוהיהם.
ו
ביום ההוא אשים את-אלופי יהודה ככיור אש בעצים, וכלפיד אש בעמיר, ואכלו על-ימין ועל-שמאל את-כל-העמים, סביב; וישבה ירושלים עוד תחתיה, בירושלים.
הפסוק פנוי ... לחצו לבחירה
ז
והושיע יהוה את-אוהלי יהודה, בראשונה: למען לא-תגדל תפארת בית-דויד, ותפארת יושב ירושלים--על-יהודה.
הפסוק פנוי ... לחצו לבחירה
ח
ביום ההוא, יגן יהוה בעד יושב ירושלים, והיה הנכשל בהם ביום ההוא, כדויד; ובית דויד כאלוהים, כמלאך יהוה לפניהם.
הפסוק פנוי ... לחצו לבחירה
ט
והיה, ביום ההוא; אבקש, להשמיד את-כל-הגויים, הבאים, על-ירושלים.
י
ושפכתי על-בית דויד ועל יושב ירושלים, רוח חן ותחנונים, והביטו אליי, את אשר-דקרו; וספדו עליו, כמספד על-היחיד, והמר עליו, כהמר על-הבכור.
הפסוק פנוי ... לחצו לבחירה
יא
ביום ההוא, יגדל המספד בירושלים, כמספד הדדרימון, בבקעת מגידון.
הפסוק פנוי ... לחצו לבחירה
יב
וספדה הארץ, משפחות משפחות לבד: משפחת בית-דויד לבד, ונשיהם לבד--משפחת בית-נתן לבד, ונשיהם לבד.
הפסוק פנוי ... לחצו לבחירה
יג
משפחת בית-לוי לבד, ונשיהם לבד; משפחת השמעי לבד, ונשיהם לבד.
הפסוק פנוי ... לחצו לבחירה
יד
כול, המשפחות הנשארות--משפחות משפחות, לבד; ונשיהם, לבד.
פרק יג
הפסוק פנוי ... לחצו לבחירה
א
ביום ההוא, יהיה מקור נפתח, לבית דויד, וליושבי ירושלים--לחטאת, ולנידה.
הפסוק פנוי ... לחצו לבחירה
ב
והיה ביום ההוא נאום יהוה צבאות, אכרית את-שמות העצבים מן-הארץ, ולא ייזכרו, עוד; וגם את-הנביאים ואת-רוח הטומאה, אעביר מן-הארץ.
הפסוק פנוי ... לחצו לבחירה
ג
והיה, כי-יינבא איש עוד, ואמרו אליו אביו ואימו יולדיו לא תחיה, כי שקר דיברת בשם יהוה; ודקרוהו אביהו ואימו יולדיו, בהינבאו.
הפסוק פנוי ... לחצו לבחירה
ד
והיה ביום ההוא, יבושו הנביאים איש מחזיונו--בהינבאותו; ולא ילבשו אדרת שיער, למען כחש.
הפסוק פנוי ... לחצו לבחירה
ה
ואמר, לא נביא אנוכי: איש-עובד אדמה אנוכי, כי אדם הקנני מנעוריי.
הפסוק פנוי ... לחצו לבחירה
ו
ואמר אליו, מה המכות האלה בין ידיך; ואמר, אשר הוכיתי בית מאהביי.
הפסוק פנוי ... לחצו לבחירה
ז
חרב, עורי על-רועי ועל-גבר עמיתי--נאום, יהוה צבאות; הך את-הרועה ותפוצינה הצאן, והשיבותי ידי על-הצוערים.
הפסוק פנוי ... לחצו לבחירה
ח
והיה בכל-הארץ, נאום-יהוה, פי-שניים בה, ייכרתו יגוועו; והשלישית, ייוותר בה.
הפסוק פנוי ... לחצו לבחירה
ט
והבאתי את-השלישית, באש, וצרפתים כצרוף את-הכסף, ובחנתים כבחון את-הזהב; הוא יקרא בשמי, ואני אענה אותו--אמרתי עמי הוא, והוא יאמר יהוה אלוהיי.
פרק יד
הפסוק פנוי ... לחצו לבחירה
א
הנה יום-בא, ליהוה; וחולק שללך, בקרבך.
הפסוק פנוי ... לחצו לבחירה
ב
ואספתי את-כל-הגויים אל-ירושלים, למלחמה, ונלכדה העיר ונשסו הבתים, והנשים תישכבנה; ויצא חצי העיר, בגולה, ויתר העם, לא ייכרת מן-העיר.
ג
ויצא יהוה, ונלחם בגויים ההם, כיום הילחמו, ביום קרב.
ד
ועמדו רגליו ביום-ההוא על-הר הזיתים אשר על-פני ירושלים, מקדם, ונבקע הר הזיתים מחצייו מזרחה וימה, גיא גדולה מאוד; ומש חצי ההר צפונה, וחצייו-נגבה.
הפסוק פנוי ... לחצו לבחירה
ה
ונסתם גיא-הריי, כי-יגיע גיא-הרים אל-אצל, ונסתם כאשר נסתם מפני הרעש, בימי עוזייה מלך-יהודה; ובא יהוה אלוהיי, כל-קדושים עימך.
הפסוק פנוי ... לחצו לבחירה
ו
והיה, ביום ההוא; לא-יהיה אור, יקרות וקיפאון.
הפסוק פנוי ... לחצו לבחירה
ז
והיה יום-אחד, הוא ייוודע ליהוה--לא-יום ולא-לילה; והיה לעת-ערב, יהיה-אור.
הפסוק פנוי ... לחצו לבחירה
ח
והיה ביום ההוא, ייצאו מים-חיים מירושלים, חציים אל-הים הקדמוני, וחציים אל-הים האחרון: בקיץ ובחורף, יהיה.
ט
והיה יהוה למלך, על-כל-הארץ; ביום ההוא, יהיה יהוה אחד--ושמו אחד.
י
ייסוב כל-הארץ כערבה מגבע לרימון, נגב ירושלים; וראמה וישבה תחתיה למשער בנימין, עד-מקום שער הראשון עד-שער הפינים, ומגדל חננאל, עד יקבי המלך.
הפסוק פנוי ... לחצו לבחירה
יא
וישבו בה, וחרם לא יהיה-עוד; וישבה ירושלים, לבטח.
יב
וזאת תהיה המגפה, אשר ייגוף יהוה את-כל-העמים, אשר צבאו, על-ירושלים; המק בשרו, והוא עומד על-רגליו, ועיניו תימקנה בחוריהן, ולשונו תימק בפיהם.
הפסוק פנוי ... לחצו לבחירה
יג
והיה ביום ההוא, תהיה מהומת-יהוה רבה בהם; והחזיקו, איש יד ריעהו, ועלתה ידו, על-יד ריעהו.
הפסוק פנוי ... לחצו לבחירה
יד
וגם-יהודה--תילחם, בירושלים; ואוסף חיל כל-הגויים סביב, זהב וכסף ובגדים--לרוב מאוד.
הפסוק פנוי ... לחצו לבחירה
טו
וכן תהיה מגפת הסוס, הפרד הגמל והחמור, וכל-הבהמה, אשר יהיה במחנות ההמה--כמגפה, הזאת.
טז
והיה, כל-הנותר מכל-הגויים, הבאים, על-ירושלים; ועלו מדי שנה בשנה, להשתחוות למלך יהוה צבאות, ולחוג, את-חג הסוכות.
הפסוק פנוי ... לחצו לבחירה
יז
והיה אשר לא-יעלה מאת משפחות הארץ, אל-ירושלים, להשתחוות, למלך יהוה צבאות--ולא עליהם, יהיה הגשם.
יח
ואם-משפחת מצריים לא-תעלה ולא באה, ולא עליהם; תהיה המגפה, אשר ייגוף יהוה את-הגויים, אשר לא יעלו, לחוג את-חג הסוכות.
הפסוק פנוי ... לחצו לבחירה
יט
זאת תהיה, חטאת מצריים; וחטאת, כל-הגויים, אשר לא יעלו, לחוג את-חג הסוכות.
כ
ביום ההוא, יהיה על-מצילות הסוס, קודש, ליהוה; והיה הסירות בבית יהוה, כמזרקים לפני המזבח.
כא
והיה כל-סיר בירושלים וביהודה, קודש ליהוה צבאות, ובאו כל-הזובחים, ולקחו מהם ובישלו בהם; ולא-יהיה כנעני עוד בבית-יהוה צבאות, ביום ההוא.